DaDa富貴搬竇 讚王思聰叻仔
34E「咪神」陳靜（DaDa）早前連開兩間童裝店，近日更秘密搬往元朗的新樓盤，隨即有人爆料指DaDa搭上內地首富王健林的兒子王思聰，被目擊多次雙雙現身內地私人聚會！對於被爆搭上超級富二代，她坦認與對方相識多時，還讚對方叻仔。
現年27歲的DaDa自出道以來，憑着34E巨咪成為不少男士心目中的女神，桃花旺盛的她身邊男友更是團團轉，但早前自爆與拍拖數月的台灣男友分手。寄情事業的DaDa「財來自有方」，最近連開兩間童裝店榮升老闆娘之餘，過往與姊妹合資租屋的她近月更闊綽起來，秘密獨資租住元朗的新樓盤！突然富貴的她近期不時離港，出埠旅行歎世界。不過，近日有人爆料指水源充足的DaDa搭上了內地首富、萬達集團董事長王健林的28歲兒子王思聰，兩人更頻頻於內地約會，多次被目擊糖黐豆般現身內地的私人聚會，過從甚密。
睇童裝知己知彼
DaDa日前出席活動後，見她匆匆乘坐七人車返回新居，家中逗留約半小時後便戴上帽及口罩，鬼祟地乘的士往元朗市中心會合女友人醫肚。兩人邊食邊傾，醫肚後又轉戰附近商場行街。期間，DaDa前往該處的童裝店研究新裝，睇完又轉往揀選化妝品，更一度踎底慢慢揀選心頭好，轉個頭見她往麵包店買了大袋麵包返歸。
「佢咁多女唔輪到我」
對於搭上王思聰兼關係密切一事，DaDa接受本報訪問時說：「哈，我都有聽過呢個傳聞，其實我同佢係識咗好耐嘅朋友，我哋係喺一個朋友生日聚會識。（男方追你？同佢拍緊拖？）冇追我亦冇拍拖！佢咁多女性朋友都唔輪到我啦！」提到開童裝店又搬新屋，會否擔心被指是受對方幫助及照顧，她自言一直腳踏實地，拍戲賺錢靠自己：「佢係食大茶飯，我只係小生意咋！如果係我就唔會淨係搞小生意啦！我唔怕人講，因為大家只係朋友。不過佢好叻，生意上佢有自己睇法。（搬入豪宅？）因為家人住呢度，想住近啲佢哋，咪喺隔籬租咗個單位。」她又強調繼續拍戲搵錢，近期已接了幾部片約，剛巧全部都是鬼片。
唱K一晚250萬 N次辣火頭
根據《2016新財富500富人榜》資料顯示，萬達集團董事長王健林與獨子王思聰以1982.6億人民幣（約2365.6億港元）成為內地首富。身為富二代的王思聰出手闊綽，3月時被指在卡拉OK內一晚簽下六張合共250萬人民幣的帳單，足以在內地買起一層樓！他在27歲生日當晚，在三亞包起酒店沙灘慶祝，更力邀韓國女團T-ara為其豪華生日派對擔任表演嘉賓。
王思聰多次在網絡上辣火頭，除了與台星徐熙媛的丈夫汪小菲爆罵戰外，又曾指內地女星范冰冰與張馨予是「根本冇作品和不會演戲的硬傷！」范冰冰即反擊：「你找你的爸，我幹我的活。」當郭富城公開與內地女模特兒方媛拍拖時，王思聰曾指「愛過」方媛之餘，更指港台明星易呃。
文、攝：追蹤組