張秀文晒料回饋擁躉 陳庭欣出征泰國
咪神張秀文與陳庭欣（Toby）近年工作量飆升，二人與陳婉衡等演出的無綫綜藝旅遊節目《3日2夜》，節目中常有浸溫泉等養眼鏡頭，亦深受觀眾喜愛，令節目長拍長有，而Toby將於新一輯加強版打頭陣，稍後出發到泰國拍攝，主攻當地的水上樂園。
Toby昨日受訪時表示已準備多套泳衣和防曬用品：「其實都冇特別事前減肥，因為今次有好多體力上嘅遊戲，騎大象、攀石等，拍完都夠瘦！」而因谷咪成功上位的張秀文，「錢」途不斷，除了忙出商場騷外，更忙拍無綫新劇，由於她是《3日》的「鐵膽」，故監製亦積極為她度期安排拍攝，令張秀文受寵若驚，並預告有更精彩演出回饋觀眾：「自從上次《1分鐘》後好多工作，亦好多節目搵我演出，雖然好忙，但都會珍惜每個機會。（主打性感？）健康性感冇問題，對公司工作絕對信任，同埋呢個節目我有好多擁躉，我唔會令佢哋失望！」
