何倍倩賭城拉響老虎機中人生最大獎
「恒生新抱」何倍倩前晚身穿紅裙出席活動，即場以道具籌碼玩輪盤遊戲，但秒速輸光，她笑指自己沒有賭運，所以甚少賭博，人生贏過最多錢就是早年在「賭城」拉斯維加斯中了老虎機大獎，贏得二萬港元獎金，令她十分難忘！
前晚萬寶龍Montblanc舉行Rouge et Noir酒會，為配合「紅與黑」的主題，現場特別擺放了輪盤及提供道具籌碼給嘉賓玩樂。其中身穿紅色吊帶裙現身的何倍倩更即場「玩兩手」，但不一會已輸光籌碼，問到平日可會去賭場碰運氣？她說：「平日少啲，因為我冇咩運氣，試過有一年去拉斯維加斯玩老虎機，玩到部機響，原來中咗大獎，有成萬幾二萬港元，全部人走埋嚟恭喜我，嗰次係人生贏最多錢嘅一次，不過我覺得賭錢都唔好貪，贏少少就要走，唔係肯定輸番落去。」
此外，對於歌手黎明前日演唱會因消防安全問題而臨時取消，她認為十分失望及掃興，並自爆曾經沉迷追捧對方，但近日已轉軚「冧」韓國男神宋仲基。
劉晨芝認大膽
同場還有歌手劉晨芝，她透露近日正洽談幕前工作，有公司邀請她拍電影，問到想演甚麼角色？她笑說：「我希望可以演一啲突破嘅角色，我個人比較活躍同大膽。（演情慾戲？）唔會露點，同埋睇對手囉，如果梁朝偉、吳彥祖同謝霆鋒就唔介意。」
文：名人組