信得過知己黎明李嘉欣拖實許晉亨捧場
昨晚黎明（Leon）終如願舉行「頭場」演唱會，身為Leon知己的「大美人」李嘉欣、歌手陳慧琳、藝人朱凱婷、台灣女星林依晨等往撐場。李嘉欣與丈夫許晉亨約九時到場，被問到有否買首場演唱會門票？她說：「我原本昨晚（前晚）都有啲嘢做，本身都係買今日（昨日）嘅飛。知道首場演唱會取消都有少少愕然，不過相信Leon一齊搞得掂。」
朱凱婷受訪說：「噚日（前日）好緊張，不過唔擔心嘅，喺Facebook睇住情況！今日同老公同啲朋友一齊嚟，細細個就好鍾意Leon！（怕拆咗帳篷影響場騷？）唔理咁多，其實4D又好、3D又好，最緊要Leon喺度，佢個騷做到覺得好開心！（擔心天氣？）睇過預報都覺得OK嘅！我都想買多幾場嚟睇，而且Leon今次處理得好好，仲親身出嚟交代。」
另外，多位藝人亦在網上力撐Leon，分別買了5月1日及2日門票的琦琦及莊思敏接受本報電話訪問時揚言絕不退飛，琦琦說：「好期待呀！我買咗5月1日嘅飛。（老公任達華話你今晚睇嘅？）佢搞錯咗呀，我今晚要飛，到時會趕到返嚟睇。（冇咗帳篷怕唔怕淋雨？）唔怕啦，最多咪着雨褸！」莊思敏則說：「唔會退，我要睇！」
至於買首場飛的盧巧音及樂隊Kolor主音老公Sammy亦說：「一定支持黎明，唔會退票，依家睇緊補唱嗰日有冇嘢做，希望再捧場。」