黎明遭惡搞爆粗？
天王黎明原定前晚舉行的首場演場會被迫取消，他親身拍下短片鞠躬致歉，網民大讚夠承擔是真漢子。可惜，前晚網上瘋傳一段疑似黎明聲音的聲帶，當中夾雜粗口講述演唱會取消的感受和發洩不滿，除拿房祖名搞gag開玩笑外，更以黎明早前的「熱狗論」惡搞作結尾，被網民識穿是惡作劇一場。
黎明入行30周年的「Random Love Songs 4D in Live 2016」首場演唱會前晚被迫取消，黎明即時親自拍下三段短片透過社交網站向外界解釋事件，向受影響的觀眾鞠躬致歉，結果獲粉絲大讚行為正面，有承擔、是真男人所為。
可惜前晚網上卻流傳一段聲帶，一把疑似黎明聲音，夾雜粗口地講述演唱會被取消的感受和不滿。該聲帶的內容相當啜核，表示：「我依家乜嘢都唔知，我淨係知道好X大鑊。」又指演唱會被取消有「被玩嘢」的成分，該男子愈講愈火再爆粗說：「我理X你嗰啲布料係要英國規格吖、日本規格吖，武裝規格，係防火布就係防火o架啦，唔通防……房祖名呀？」接着男子又講番布料乃中國製造，指「頭先講布料係中國製造，X街啦，今次真係你X味，被佢翹起。」
熱狗論作結
早前黎明曾拍下在車上食熱狗的片段，指買錯了熱狗，因為條腸不似豬肉，唔似雞肉又不是牛肉，並說：「整好食熱狗要好有心機，唔明啲店點解要整，但又唔好食，唔好食又要賣，仲要唔係平。」他續說：「個熱狗幾錢？（免費！）哦，咁算啦！」這段「熱狗論」笑料被該聲帶中的男子以「唔整喇，我整熱狗。」作呼應為結尾，十分爆笑。
網民捉破綻
聲帶流出後不少網民質疑「破綻」一大堆，認為不會是黎明所為，如「黎明說話點會咁易明」、聲帶當中沒有出現金句等，以及「黎明不會拿熱狗來講笑」。至於演唱會大會表示：「黎明都知道有呢段聲帶，前晚佢都有聽過，聽完佢都冇乜反應，因為前晚真係好攰。」對於被網民惡搞，大會表示：「多謝大家關心！」
文：專案組