羅霖影婚照盼艷遇
「美魔女」羅霖、朱慧敏（Queenie）昨日出席《2016世界和平小姐大賽》記者會，羅霖更力谷三吋事業線性感示人，又直言參與統籌工作並不簡單。她透露五月底將到法國酒莊及古堡拍攝婚紗照，以實現夢想：「本身都諗住要減磅，不過前幾日咁啱腸胃炎清減咗啲，所以我都會帶泳衣去影三點式。」問羅霖可會觸景傷情？她謂：「時代女性唔一定要有另一半，好開心做到自己鍾意做嘅嘢，（有對象？）或者會有艷遇一見鍾情呢，結婚係每個女人嘅夢想，但緣分唔可以強求。」
而聲沙沙的Queenie自認日前着涼而發燒，崇尚「自然療法」的她表示想沖個熱水涼、焗汗兼敷暖包退燒，更笑言在外國讀書發燒看病時，醫生除叫她不用看病外，更叫她飲「雞湯」及汽水！她同時又呼籲女性要把身體養好，為日後生B未雨綢繆，問她可有生B對象？她說：「冇喎，隨緣啦！」
