諸葛升呢設計師幫呂晶晶圓夢
名媛諸葛紫岐（Marie）除咗搞娛樂公司外，在內地還有投資網站，她身兼投資者、股東及設計師於一身，愛屋及烏的Marie還帶挈旗下藝人呂晶晶在網站開設品牌，網站日前舉行發布會，Marie派出晶晶撐場，晶晶穿上超Deep V長裙性感現身，輕易成為焦點！
Marie有份投資的內地網站主力以明星做生招牌，眾明星化身為設計師與粉絲分享自己的作品，內地藝人胡軍、佟麗婭已推出新產品，Marie既是網站投資者，亦有成立自己的時裝品牌，並擔任設計師，將作品放於網上。網站早前在內地舉行大型發布會，卻未見Marie的芳蹤，而其公司藝人呂晶晶則有到場，Marie解釋：「我都好想去，但因為好忙，去咗外國做嘢，抽唔到時間。晶晶有去，我推薦咗佢喺網站設計服裝，嚟緊公司其他藝人都會陸續喺網上推出自己嘅作品。」
當日呂晶晶穿上超deep V連身裙，露出「南北」半球，十分性感，晶晶開心地說：「好多謝老闆Marie畀咗個機會我，完成我想做設計師嘅夢想，（同老闆做咗競爭對手？）我哋兩個設計嘅路線唔同，我比較OL feel、casual啲，Marie嘅設計則以高貴，優雅為主。」
推限量版手袋
Marie去年開始以設計師身份殺入時裝界，其作品反應熱烈，早前還得英國手袋品牌垂青，邀請她crossover設計一款限量版手袋。她前晚在微博開心分享新鮮出爐的手袋，並寫上：「很開心與MYC合作，設計咗Mariri'Z的手袋。」手袋上有不少星星圖案，十分別致。Marie大讚手袋配搭容易，更親身做模特兒，並上載了多張她設計的服裝造型照，既時尚又優雅。
Marie開心透露自己設計的時裝獲欣賞：「我上年開始設計時裝，反應好熱烈，所以有手袋品牌搵我一齊設計屬於我嘅手袋，限量得88個，我好鍾意個袋，特別喺袋度設計咗啲星星，代表我公司星韜，而且個手袋同我設計嘅服裝都好襯。」
文：名人組