幫寶貝仔報小學李嘉欣貴精不貴多
「大美人」李嘉欣（Michele）日前出席活動，向《東網電視》透露兒子Jayden快將6歲，開始籌備報讀小學，不過她向《東網電視》坦言不會以大包圍方式報學校：「好多家長都畀意見我，話要大包圍報10幾間，但我未必會，會揀心儀學校。（心水？）依家通常係學校揀你，唔係你揀學校，我最多會報3、4間，同埋政府有得抽籤，就算冇得揀都唔會冇書讀！」
她又表示目前最希望兒子可以打好中文基礎，會專注兒子的德育發展：「德育好會更好，細個唔教，大咗冇得教。（會否去海外升學？）香港讀得到，都想佢喺自己身邊耐啲。」她又稱有意讓兒子學習騎術，增加他的膽量及平衡力。