吳業坤自爆行蹤 等你捕獲！

歌手吳業坤（坤坤）擔任《東網電視》節目《娛樂onShow》今集嘉賓，接受主持人李文珊（Sherman）訪問，向大家剖白歌曲及戀愛等的心路歷程。坤坤向來生活夠晒「貼地」，愛與網民互動，今次Sherman「精選」多位網民問題，逐一詢問坤坤！

有網友問為何經常到樂富行街，但未能撞見居住此地的坤坤，質疑對方是否已搬走，坤坤說：「我比較少出街。（係咪好夜返屋企？）係呀！因為要做嘢。（阿媽畀說話你聽？）搵錢畀佢使喎，仲畀說話我聽？（如果要去樂富捕你，邊度容易啲？）港鐵站，必經之路。」

想挑戰Big Bang歌

而韓國樂隊FT Island主音李弘基在香港演唱會中唱了坤坤歌曲《陽光點的歌》，而坤坤事後亦翻唱對方歌曲，獲網民大讚。主持人Sherman問坤坤是否因《東網》Tag他才將翻唱短片放上網？他說：「我覺得係其中一樣啦！同埋因為有弘基啦，要禮尚往來。（你唔識韓文，係咪好難？）本身要揣摩一排，搵咗啲拼音，弘基啲粉絲有畀咗拼音我，所以好快上手。（留意韓國樂壇？）下首想挑選韓文歌，我鍾意Big Bang嗰種。」

點讚龔嘉欣？

而早前推出新歌《百姓》的坤坤不忘在節目引用歌詞叫大家不要與人比較，做好自己便可：「其實歌詞已經講晒，我好難重新去演繹。有人好過你，又唔代表你唔好過佢，又唔需要去比較。你自己喺你自己嘅地方努力，唔需要聽人嘅說話。」另外，想知坤坤點讚龔嘉欣BB？想知坤坤以前拍拖係點？快啲入《東網》睇實《娛樂onShow》啦！

文：專案組

攝：張福宏

場地：Neway