林雪爆粗呻被走數監製鄧特希：信錯人
【陳栢宇廣州直擊】藝人陳欣健、林雪和苑瓊丹等昨日在廣州出席《2016昇格傳媒戰略發布會》，剛與羅家英拍畢內地劇《歡喜密探》的林雪大呼好玩，問會否考慮拍港劇，他即火滾爆粗：「拍過啦！幫亞視外判製作嗰套《法網群英》吖嘛！嗰個邊個呀？鄧特希呀！到依家都未收到錢呀！X那星！」
對此，監製鄧特希透過短訊回覆本報，指相關款項已付清：「若仍有人沒收到錢，可循法律途徑解決，追究真正需要負責任的人。」他續說：「唔知啲人係咪畀人呃定其他原因，勞工處都有咗裁決，仲亂咁講。若我自己處理，一定處理好，嗰次信錯人，除咗嗰次，問吓其他合作過嘅人，我有邊條數會搞得唔清楚或唔畀錢！」
至於曾演出內地真人騷《爸爸去哪兒》的苑瓊丹，認為ViuTV節目《跟住矛盾去旅行》太假、太着迹：「我係香港人，我都揀睇《爸爸》，爭太遠！」
