伊健導老婆「入局」 揈6位數打機

鄭伊健與譚玉瑛昨日出席應用程式公司活動，這對昔日兒童節目拍檔勾起現場人士不少回憶，伊健甫出場即笑說：「歡迎收睇《430穿梭機》現場版！」譚玉瑛即說：「你係咪講遲咗十幾年呢？」伊健又讓她先玩夾公仔機，怎料反被命令：「我叫你玩先呀！」伊健即乖乖聽話。

獲斟開發遊戲

伊健出名愛打機，與曾被謝婷婷及張栢芝踢爆不用開工便機不離手的謝霆鋒，以及因沉迷打機而遭老婆Lorraine怒拔電源的古巨基，一度堪稱三大「機精」！伊健自爆歷年來為打機已花費6位數字：「以前一部電腦要4萬蚊！我阿媽都有打機，飲茶啲點心未到就玩。（太太有冇投訴？）佢都有玩，不過係另一啲，有啲佢都會陪我一齊玩，有啲遊戲要兩個人、四個人至玩到！試過有遊戲公司搵我傾遊戲開發，因為時間問題合作唔成。」

霆鋒 我都轉咗揸鑊剷啦bro！（設計對白）

譚玉瑛對住夾公仔機一頭霧水，故「命令」伊健先玩作示範。

打到落3千呎海底

他又自爆迷上玩模擬世界遊戲，並興奮地說：「3千呎深海底好逼真！」譚玉瑛聞言即以姐姐口脗訓話：「你去過3千呎海底咩？」伊健又笑指譚玉瑛是大師姐，很多人都對她肅然起敬：「錢國偉都驚佢！佢救過我哋好多次，我諗嗰時周星馳都係佢救，但我自卑，所以轉做演員。」此外，提到舊拍檔蓋世寶與TB導演傳緋聞，譚玉瑛說：「我幫你問吓佢！喺公司見過個導演。（佢哋行得埋？）冇乜特別感覺。」

文：影視組