唐詩詠Big波蕩漾小腰精
藝人唐詩詠、張嘉兒及郭嘉文等昨日出席無綫劇集宣傳活動，唐詩詠因拍攝旅遊節目被網民發現「禾稈冚珍珠」，她即場拆解「Big」波之謎，「Big波三寶」包括橫間條衫、做運動及小蠻腰！而張嘉兒亦親證懷孕超過三個月！
無綫劇集《廉政行動2016》昨日舉行宣傳活動，唐詩詠、張嘉兒、郭嘉文、黎諾懿等出席，陳展鵬因病缺席。詩詠因拍攝《有乜好過去CAMPING德國篇》被網民發現上圍逼爆，指她「禾稈冚珍珠」。
拆解「大胸」之謎
詩詠昨日親自拆解「Big」波之謎說：「嗰日着橫間條，加上有運動開，條腰夠幼先畀到大家錯覺啫！」對於與馬國明再度合作令緋聞再次翻炒，她笑謂：「又再搞到佢！報道過好多次，好悶喎，唔使再着眼報道，Tony（男友洪永城）都唔介意。」
詩詠又爆料指正在密謀為馬國明介紹女性朋友：「佢都有要求，要做到件事好自然先得，驚佢會尷尬，要自然到兩個人都唔知係刻意安排先得。」提到有報道指馬國明叫她小心選男友，她否認傳聞，亦不相信Tony曾指馬國明有居心。
張嘉兒佗B三個月
至於張嘉兒則開心宣布懷孕超過三個月，身穿鬆身連身裙及平底鞋的她，腹部微微凸出，她說：「懷孕頭三個月連搭地鐵都會暈車浪，老公叫我搭車要帶定嘔吐袋。」目前仍未知BB性別，她希望生兩個，老公則希望生仔。老公有否要她停工？張嘉兒說：「依家都冇拍劇，工作已經少咗。（幾時預產期？）年尾，會喺香港生。」對於前緋聞男友金剛與蕊蕊分手，她指二人仍後生，相信很快找到第二個，見到金剛會安慰他。
同場的郭嘉文是首次拍劇，獲不少朋友讚她演技自然，又說不擔心與同屆冠軍、已簽約無綫的麥明詩「爭飯食」。
文：影視組