歌手泳兒昨日推出最新大碟《鏡像》，她透露第二首主打歌《浮沙之路》的MV大玩空中瑜伽，雖然她畏高照做出倒吊動作，更弄到全身瘀傷：「倒吊時塊布有時會勒住大髀，好痛，但睇番個MV好有成就感，應該冇人咁做過，對我嚟講係大挑戰！（男友可有心痛？）我初初做嘅時候動作唔靚，畀佢笑我似蛤蚧，仲叫我post上網，唔好淨係post靚相。」
拍攝大碟封套時泳兒要將鏡子抱在手裏或躺於鏡上，與鏡中的自己做對手戲，不過因為鏡面太凍和太重，讓她覺得分外花費精力。
