盧巧音有飛在手失望而回
四大天王黎明（Leon）首場《「黎明Leon 30th Anniversary Random Love Songs 4D in live 2016」演唱會》昨晚被取消，不少圈中人都大表失望。歌手盧巧音在社交網上載疑似演出場地附近照片並留言：「今晚無黎明睇，失望。」她其後表示事發時已去到會場：「有啲失望，冇辦法，我哋都希望有機會再睇，因為我哋專誠嚟睇。」
而藝人莊思敏亦上載一張手執黎明個唱門票的自拍照，「扁晒嘴」大呻：「說好的演唱會呢？」記者聯絡上她，她謂：「我係睇五月二號晚嗰場，聽到首場取消覺得好突然，希望可以順利開番個騷。好想睇到黎明演出，我好辛苦先託到朋友買飛。」而已到場的音樂人梁栢堅，晒出黎明在演唱會場地鞠躬道歉照片並留言：「最佳代表歌詞：黎明請你不要來。」
至於同樣有飛在手的梅小青亦謂：「我原定30號去睇個騷，我同佢（黎明）合作過《原振俠》等，佢好有心同好長情。佢次次都會寄飛畀我哋，覺得取消咗個唱好突然。（感可惜？）星期六應該有啩，因為佢付出咗好多。」丁子高昨日出席活動時，亦表示買了下月七號黎明個唱飛，而二號Amusic高層王凱文又請他與楊千嬅去看。問到他買了多少張飛？他表示：「買咗12至15張，要$1980張。（驚到時開唔到？）唔會啩，製作嗰邊應該知點處理，希望二號有得睇，好期待喺碼頭有4D效果。」
