陳嘉容大頭蝦私吞耳環

名模陳嘉容（Eunis）最近轉型為電視台做主持，介紹時尚品味，日前她到珍珠品牌Mikimoto拍攝，拍攝由早到晚又走幾場，Eunis忙得「私吞耳環」：「嗰朝早分別戴咗兩套首飾，之後趕去第二度拍嘢，因為太趕，除咗一隻耳環忘記除第二隻，搞到要即時送返舖頭，好大頭蝦！我惟有講笑話自己其實好想拎走。」
穿上低V上衣的陳嘉容騷性感。
穿上低V上衣的陳嘉容騷性感。

前日Eunis換上新Look，穿上紅色貼身裙拍攝介紹食fusion菜的餐廳：「餐廳老闆好鍾意藝術，喺餐廳放咗好多名畫，而最令人難忘係雞尾酒，酒上面放咗舊叉燒，真特別。」由於要拍26集，每周拍三日，未來半年Eunis也不能去長旅行，她仍覺值得，因介紹時尚品味，豐富了知識：「之前我唔會知原來音響可以成三十幾萬一套。」至於做主持，最大不同是以前做模特兒不用說話，現在則說很多。

陳嘉容在餐廳介紹美食，眼界大開。
  • 陳嘉容在餐廳介紹美食，眼界大開。