JC超Cup媽咪 餵飽大食囡
「警鐘胸」名模Jessica C.（JC）上月底為未婚夫安志杰誕下女兒，不到一個月身材已回復纖瘦，但上圍卻有增無減，一直有餵人奶的她，上圍由33Ｃ再升多兩Cup，E Cup JC抱着BB女慶祝生日時，巨胸與B女的頭不相伯仲。而今日生日的汪詩詩及時裝設計師鄧達智亦分別有慶生活動。
JC於3月尾在芝加哥誕下女兒Tessa，未婚夫安志杰（Andy）停工陪產，至今還未開工的他為星期一（18日）生日的JC開生日P，於是JC與同是4月生日的Auntie Elvie在家舉行了溫馨生日會。
汪詩詩high tea慶祝
產後已火速收身的JC，穿上低胸豹紋連身裙，手抱囡囡露出E Cup巨胸，只見「警鐘胸」再度升Cup變成跟B女的頭一樣大，十分矚目！JC說今年生日能與家人度過十分開心：「仲有Andy同Tessa一齊，係最好嘅生日禮物。」坐月中的她忙於湊女，表示Tessa胃口甚好：「我每個幾兩個鐘就要餵母乳一次，搞到冇覺瞓，好攰，但都好enjoy。」她計劃下月底回港，全面投入工作。
今日生日的甄子丹太太汪詩詩，不少好友提前為她慶祝，「生日飯」食不停，妹妹汪圓圓及表妹湛琪清一起去食下午茶慶祝，雖然沒有蛋糕，但tea set盆上放了蠟燭，別具心思。詩詩除了多謝兩位妹妹，還表示開心有個愉快輕鬆的下午。
鄧達智壽包當帽
而本地著名時裝設計師鄧達智今日50歲生日，同樣不停吃「生日飯」，三星期前已有不少朋友相約，當中他跟一大班好友慶祝時，切完乳豬蛋糕後貪玩地將壽包的皮當帽戴。說到生日願望，鄧達智希望身體健康、生意興隆：「兩年前患上乙結腸癌，雖然已康復，仍然一年做一次大檢，啱啱3月做咗第二次檢查，so far so good，醫生吩咐唔好食咁多嘢，食得健康啲，所以生日飯，甜嘢都係食少少，蛋糕食一啖。」他將在元朗開設茶餐廳，並說：「做飲食係十年前嘅夢想，為將來退休做準備，加上身邊好多朋友都鍾意搵個地方聚埋食飯，夾錢搞吓派對，係有市場需要。」其餐廳日間是茶餐廳，晚上做私房菜。
文：名人組