徐小鳳遭古惑仔調戲「想開苞」

大會安排多位歌手如容祖兒、楊千嬅、梁漢文、Twins及一班「古惑仔」鄭伊健、錢嘉樂、陳小春、林曉峰、謝天華齊拍短片向小鳳姐問問題。五名「古惑仔」斗膽拿小鳳姐的歌曲《叉燒包》來搞笑，問小鳳姐愛食甚麼包？錢嘉樂即抵死地說一定是「上海包」，但他以不純正的普通話說成「想開苞」大玩不文，當堂笑爆全場。

冇膽闖情關

問小鳳姐可有拍拖？她謂：「我拖友就係我歌迷。其實我好羨慕人拍拖，有好先生，有好太太，兒女成群，但我呢方面好細膽，怕玩得太大，辜負人哋美意，亦好怕人等我，千祈唔好等我，等人好辛苦。」

留得住心境

提到當年大班小朋友在其波點裙內「捐」出來成為經典，小鳳姐公開呼籲這群已長大成人的「小朋友」再來紅館舞台敍舊。今次個唱宣傳語句「既然青春留不住，不如有請小鳳姐」，她對此謂：「係大會諗嘅，因為有青春呢兩個字，我足足諗咗三日，而我境界唔係睇表面，而係睇心境，留得住心情，去對付留不住嘅青春。」

林曉峰、陳小春、錢嘉樂、謝天華、鄭伊健	Twins拍片向小鳳姐問問題。	大會司儀鄭丹瑞（左）、嘉賓黃淑儀與小鳳姐合照。

小鳳姐上次為林子祥（阿Lam）個唱做嘉賓，今次她親自開口對方一定應承？她謂：「隨緣啦，唔鍾意勉強人。（阿Lam早瞓，安排早啲畀佢出場？）咁開日場畀佢早啲到，對得住佢啦。」

文：音樂組