陳嘉寶撐謝安琪似雞蛋咁滑
一班無綫新劇《殭》演員陳嘉寶、賴慰玲、劉佩玥、陸永、黃又南與胡鴻鈞昨日到中環出席「殭屍突襲 攝戰中環」宣傳活動，與現場觀眾大玩遊戲。談到有網民踩主角謝安琪（Kay）樣假，獲老公張繼聰公開護航，陳嘉寶與賴慰玲即大讚男方Man爆兼勁Sweet，又力證Kay的皮膚似剝殼雞蛋。陳嘉寶笑言被批評時，希望賴慰玲幫手反擊，問到為何不叫男友出面？她笑說：「男友唔係公眾人物，聲線會細啲。」至於陸永則指若老婆被無理評批只會一笑置之：「哈！咪咁囉！呢個地球咁多人話你！」
黃又南網上追睇《殭》
對於劇集收視，各演員有信心愈做愈高，但陸永因收視未算高開而不太開心，他說：「拍得咁辛苦，梗係想多啲人睇到！」還指台前幕後花了不少時間下苦功，包括電腦特技：「公道啲啲，唔好當睇《復仇者聯盟》，你睇慣《復》就梗係話乜都唔得o架啦！」而黃又南則指劇中的激情戲與感情線尚未浮面，現階段成績未能代表整套劇，又表示不少人包括自己都在網上追看《殭》：「要所有人鍾意係冇可能嘅，但身邊啲朋友都係讚。」陳嘉寶亦指不少內地朋友在網上追看，造成熱潮。
文：影視組
