C AllStar郵輪登台唔敢騷「大兜嘢」

組合C AllStar與藝人宋熙年昨日分別以嘉賓及司儀身份出席「皇家加勒比國際遊輪」活動，7月初將於郵輪一連三晚登台的C AllStar坦言會抽空玩盡郵輪上的設施，問到會否穿三角泳褲游水？四子即高談闊論近年最Hit的性感泳褲，成員On仔抵死笑說：「有款只係兜住重要位置。（夠膽着？）如果操得Fit啲再算。」記者笑四子對性感泳褲大感興趣，主音釗峰即澄清說：「我都係喺網上睇到，真係有好多款。」至於早前被踢爆與女主持黎詠欣拍拖的On仔，被問到會否帶埋女友上船？他說：「唔會喇！上船識其他朋友。」