宣萱恨畀狄龍摑到紅
狄龍及宣萱主演的英皇新片《我來自紐約》前晚舉行首映禮，狄龍一家大細現身外，黃錦燊、趙雅芝夫婦亦有撐場，該片導演張爵西及兩位小演員陳沁霖及陳智深專程由馬來西亞來港宣傳。
戲中扮演宣萱父親的狄龍對「愛女」讚不絕口：「佢工作準時、做足功課又冇架子，加上大家都肖狗又愛狗，所以好啱傾。」他指今次電影旨在宣揚兩代間的關懷，已榮升爺爺的狄龍談湊孫之樂時說：「佢未夠一歲，之前我抱佢會喊，依家學緊喺我心口瞓覺，真係冧晒，我個仔做咗爸爸之後，都乖咗同定性咗。」
宣萱則難忘拍攝被狄龍掌摑的戲份：「一啲都唔痛，佢打嘅人都會紅，我叫佢打多兩巴！」狄龍即笑言：「我打過四大天王，成龍、周潤發同黃曉明，唔係呃你！」