低胸嗲爆張振朗 陳瀅拍咀戲猷亨冇眼睇

與賭王兒子何猷亨熱戀中的藝人陳瀅昨日為新劇試造型,已有大半年沒有拍劇的她,今次首度與男對手張振朗有感情線,還要穿低胸衫兼嗲聲嗲氣,雖然未知有否親熱戲,但笑指若然有親熱戲份,男友也不會監場。

陳瀅、張兆輝、陳松伶及王卓淇等昨日為新劇《全職沒女》試造型,已有大半年沒有拍劇的陳瀅,透露今次與張振朗有感情線,並演繹30歲階段的愛情故事。與何猷亨相戀的她,被問到是否對角色經驗十足?她即扮傻說:「點解呀?」及後扯開話題表示入行至今未試過與男演員演感情線,暫時未知有否Kiss戲。問到男友豈不是不能睇該劇?她笑說:「都唔會,睇分場都未知有冇親熱戲。(好緊張?)又唔會,只係之前多數同女仔一齊拍。」

性感打扮引人遐想

陳瀅指劇中有不少張振朗幻想她的戲份,故屆時會有性感打扮及出動低胸裝,又要嗲聲嗲氣。問到平日可會嗲男友?她笑說:「一時時啦!會嗲女仔多啲。(到時男友監場?)唔會!(唔話佢知?)自己都未知。」

而首度合作的張兆輝與松松甫見面即互稱男神、女神,還同聲表示要私自加插親熱戲,張兆輝說:「驚我唔達標,一係到時Live博一博,只要你願意,我就甚麼都願意。」松松聞言大表贊成,更當眾向對方示愛,不怕老公呷醋。問到可會要求劇組讓他有足夠時間休息?張兆輝搞笑地說:「精神上有講過,但都體諒監製,大家遷就吓,我都年幾冇拍,時代巨輪轉變得太快。」

陳松伶向張兆輝求婚

打扮活潑兼配上小雲眼鏡的松松,透露全因劇本及對手吸引而打動她出山,不諱言已闊別無綫劇集10年:「我細細個已經好鍾意輝哥,老公都叫我Enjoy拍,完全係夢想成真咁,無論戲裏戲外都係佢忠實擁躉,好想輝哥娶我,好傾慕佢!(咁耐冇拍無綫劇,驚唔驚唔習慣?)會呀!驚食螺絲。」至於卓淇則否認被吳業坤睇中,笑指兩人僅是好朋友,對方沒有追求她,私下也沒有約會。

文:影視組