現年49歲的「美魔女」溫碧霞（Irene）多年來一直活躍娛樂圈，前晚她相約好友與同為女神級的柏安妮飯敍，同場有藝人盧覓雪。久未露面的柏安妮，現為兒童職業治療師，在兒童啟育中心工作，然而現年50歲的她身形Keep住弗，惟當日面容帶點憔悴，令網民非常擔心其健康出問題。
昨日Irene接受本報電話訪問時說：「我哋識咗好多年，間唔中都有出嚟聚會，當晚都傾咗好多細細個合作時嘅點點滴滴，好開心！（會拉攏佢復出再合作？）佢唔會喇！佢好鍾意依家份工，點游說都游說唔到！」問及柏安妮健康狀況？她說：「冇問題！佢健康好好，可能冇化妝啫！」當年柏安妮索極一時，曾與多位紅星合作，包括與周潤發合拍《俠盜高飛》、與周星馳及張學友合演《咖喱辣椒》。