郭政鴻睇好鄭俊弘打出頭
武打演員出身的郭政鴻，去年離開效力30年的無綫，轉戰內地市場搵真銀，他坦言要「打出名堂」必需配合天時地利人和：「其實依家嘅武打演員仲易做，以前我哋拍長shot，十幾下一個鏡頭，依家三兩下就一個鏡頭。由以前成龍、洪金寶、李小龍、李連杰到依家嘅甄子丹，全中國有咁多人，能夠成為功夫巨星嘅兩隻手數得晒，要突出真係好難好難，加上動作片唔係主流，真係賣到埠嘅係甄子丹，佢遇到好角色『葉問』幫佢發揮！」
問到睇好哪一位小生有潛質成為武打演員，他的答案出乎意料：「好多人冇留意，其實我覺得鄭俊弘打得唔錯！我同過佢去內地拍《太極》，佢嘅功夫根基好好，又後生又靚仔，係非常有潛質嘅動作演員，如果佢向呢個方向發展嘅話，『功夫小子』呢個稱號佢真係走唔甩！」
場地：Paperclip
