岑潔儀潮遊新濠影滙睇美景

家庭、事業兩忙的藝人岑潔儀（Zoey），早前難得拋下老公及乖仔，與閨蜜到澳門2日1夜逍遙遊，更獲澳門友人帶路，捐窿捐罅搵美食，她說：「有當地朋友做嚮導，我哋至去到好多澳門人先識去嘅地方搵食，好似喺羅若翰神父街食地道澳門人嘅心頭好：蒸海鮮火鍋！海鮮夠鮮，粥又夠味，仲要平過香港一半有多，我哋個個食到好飽，埋單都只係四、五百蚊，真係超級好食！」
岑潔儀想與老公及囝囝再坐8字形摩天輪。
岑潔儀想與老公及囝囝再坐8字形摩天輪。

Zoey又潮玩澳門最新地標：「我哋去咗新濠影滙玩8字形摩天輪，同埋參觀咗『蝙蝠俠夜神飛馳』4D數碼遊戲，摩天輪景觀唔錯，蝙蝠俠好值得一睇，遲吓有機會都想同老公、囝囝再嚟玩！」

岑潔儀在摩天輪上飽覽美景，靚到唔願走。
  • 岑潔儀在摩天輪上飽覽美景，靚到唔願走。