「鐵甲奇俠」羅拔唐尼（Robert Downey Jr.）趁超英新作《美國隊長3：英雄內戰》（Captain America： Civil War）即將上映，近日拍搞笑片段為新成立的基金會籌款。羅拔於片中放下形象扮兔仔在草地狂跳，介紹基金會時一度High爆走音，又被攝影師及收音工作人員惡搞，更玩埋「賭神式」華麗轉身大放笑彈！最後他出動老婆及B仔，瞓身任囝囝狂打，打中「小羅拔」之餘，更打中用嚟搵食嘅靚佬樣，為慈善大犧牲！而粉絲只要捐款便有機會飛到外地觀看《美》片私人優先場。