大律師葉瀚華炮製人情味

葉瀚華（Ian）開設的新派法越小食酒吧la bo la，昨日舉行開幕及切燒豬儀式。除父母外，好友周國豐夫婦、著名導演杜琪峯及前nowTV高層何麗全也有捧場。

葉澍堃稱兒子雖擁有大律師資格，但一直鍾情飲食業：「佢同我一樣好鍾意同朋友飲酒食嘢，最理想係有自己餐廳，呢個係佢嘅夢想，我都好開心佢做到。」Ian表示現時只想集中全力搞好餐廳，又不諱言受到識飲識食的父親影響而進軍飲食界，問到投資金額？他說：「投資咗七位數，同幾個朋友合資。（爸爸經濟上支持？）佢有鼓勵，精神上支持。（預計幾時回本？）18個月，當然愈快愈好。」

何麗全、葉瀚華

周國豐、黃泳霖

老竇讚牛河出色

經濟不景，問到逆市中做生意會否驚風險大？Ian說：「每樣嘢都有風險，就算市道唔好，但始終要出去食飯，最緊要係有質素。」葉澍堃也笑言：「佢開餐廳唔係為賺錢，有得食就OK，餓唔死。我食勻全世界，佢哋嘅牛河食得我好開心，因為入面有好多人情味。」愛子之情不言而喻。此外，Ian被問到感情事，他自稱現時單身，問他會否擔心因忙於工作而忽略拍拖？他表示：「投資生意唔會用晒我嘅時間。」

杜Sir愛買餸下廚

至於同場的杜琪峯（杜Sir）則透露有興趣開餐廳，但冇時間：「將來有時間都想，我都鍾意食嘢。將來我間餐廳唔需要太多嘢食，幾味好食就得，要自己創作，唔倣效任何廚師，最重要係食物新鮮，保留食材原有味道。」杜Sir揚言平時有空都會到街市買餸下廚。而周國豐（Brandon）和太太黃泳霖（Jenny）亦有到場，透露與Ian是大學時期的朋友。Jenny說：「Ian係完美主義者，佢畀其他人花更多時間去籌備。」問到有否興趣投資餐廳，Brandon表示暫未有計劃：「做餐廳要好多精神同心機。」但Jenny卻笑言期待Ian繼續擴充可以入股。

文：名人組