霆鋒食到盡開餐廳選名廚
謝霆鋒最近忙於拍攝內地節目《十二道鋒味》第三季，繼續帶觀眾到世界各地搜尋美食，攝製隊日前已分批出發前往非洲及芬蘭拍攝，霆鋒預告會為觀眾帶來全新視覺及味覺享受：「今季會創真人騷先河，我會喺節目內開《鋒味》餐廳，令觀眾可以睇，亦可食到『鋒味菜』！」他暫時不願透露餐廳的經營模式，但現時已積極造勢，今日起推出首個個人微信公眾帳號《鋒味》，並會透過帳號作全國名廚海選，公開招攬美食人才！
環球滋味行
霆鋒出道以來從沒開設任何公眾帳號，今次卻為了節目作出突破。他坦言節目由開播至今已累積了一班忠實支持者：「我到世界各地、任何有華人嘅地方食飯，佢哋都會好熱情咁講起呢個節目，我逐漸發現《鋒味》除咗係一個美食節目外，亦將我帶入人群。我以前都冇諗過美食成為共同語言後，人與人之間嘅互動會咁溫暖！」因此，他決定開設公眾帳號與觀眾互動。
此外，霆鋒最近為可口可樂拍攝新電視廣告，他既開心又感觸，全因當年初入行、年僅16歲的他一直想成為品牌代言人，當時他曾向母親狄波拉（拉姑）許願：「希望我嘅頭像有一日會印喺罐上！」拉姑卻說：「不可能啦！我沒見過品牌找華人擔任代言人。」
代言汽水 夢想成真
霆鋒最終在22歲成功當上品牌代言人。產品未正式推出前，他便將印有其頭像的汽水罐放在家門前，並躲在後樓梯等母親開門，拉姑見到該汽水罐後面露滿足、欣慰又激動的笑容，令霆鋒留下深刻印象！
文：音樂組