崔碧珈肉搏連場冇眼睇

崔碧珈（Anita）、郭偉亮（Eric）、曾國祥及雷琛瑜等前晚於尖沙咀出席主演的電影《老笠》首映禮。而樂基兒、曾志偉、溫碧霞、惠英紅及王敏奕等亦到場支持。當中身穿低胸長裙的Anita性感晒線示人，已觀賞該片的Anita自爆拍攝親熱場口時不敢睇playback，入場亦遮眼睇戲。而Eric則笑言早前帶太太葉佩雯（Grace）觀戲後，即與對方外遊賞櫻「補鑊」：「睇親熱場口會遮佢眼，但佢都讚劇情夠爆。（太太質問你拍攝時有冇感覺？）佢冇問咁仔細，我哋睇完就出trip睇櫻花，我咩都say yes！佢話下次接套勁過我嘅戲，但我睇佢唔會。」

劇本需要可全裸

談到二人於戲中拍攝水中激情戲有否困難？Anita笑指浴缸既窄又淺，故兩人一入浴缸，水就滿瀉。她指家人支持她演出性感戲份，至於會否介意全裸上陣？Anita大方表示視乎劇本需要，Eric則笑稱之前拍露股戲都被太太投訴。

崔碧珈指和郭偉亮一入淺窄的浴缸，水就滿瀉。	激戰崔碧珈的郭偉亮笑言已自動自覺帶老婆賞櫻「補鑊」。	王敏奕現身撐男友曾國祥，但未見到「老爺」曾志偉就先行入場。

王敏奕避見「老爺」

同場曾國祥就獲女友王敏奕撐場支持，而曾志偉亦隨後到埗。問到志偉其「新抱仔」王敏奕先行入場而未有跟曾氏父子合照，志偉搞笑表示冇所謂：「佢成日變，我唔知邊個。講笑，開心，冇所謂。（4月14日生日會否希望兒子盡快結婚？）話之佢！」至於名模樂基兒就稱日前獲導演邀請出席首映，但未諗過拍戲，她又表示睇慣血腥暴力題材，故睇戲不用男友Ian陪伴。

文：影視組