趙哲妤錯失肌男揼心口

藝人趙哲妤昨日穿上白色Deep V短裙，露出三吋事業線出席武術健身館開幕。自言學過泰拳半年的她，被問到會否特別喜歡肌肉男，她說：「我好欣賞啲流晒汗、打完拳嘅男仔，啲肌肉出晒嚟，好吸引！我望到有種心跳感覺，又會忍唔住想掂吓、望多幾眼。（有筋肉人男友？）有人追過但最後冇一齊，好可惜。因為我怕醜，事後都好後悔。」同場的模特兒仙樂都（吳堯堯）一副戰鬥格亮相，她透露同樣曾經學泰拳，但覺得訓練太辛苦：「又要做掌上壓、踢腿操練，好辛苦！打完真係弗咗，但真係好痛。（想唔想參加《G1-格鬥會》？）我好驚睇拳賽，睇完會發惡夢。」