王浩信演技「超」感人陳自瑤：心中視帝！

由王浩信與朱千雪主演的無綫劇集《EU超時任務》已播畢，感人結局帶來高收視與好口碑，網民除了仍在討論Madam Ling凌晨風（朱千雪飾）究竟是否還記得曾熱戀過的渠頭（王浩信飾）之餘，又齊齊推舉浩信做「視帝」，不少圈中人亦讚他演得好，搞到身在越南的浩信感動到喊！他受訪時被問到有否增強年底奪視帝的信心時，他謙稱：「信心冇乜！依家先年頭，但喺網民心目中如果覺得我值得拎嘅，我覺得已經係頒咗畀我！」至於浩信太太陳自瑤受訪時亦戥老公開心：「我恭喜咗佢喇！其實佢套套劇都好畀心機同努力拍，攞唔攞到視帝就平常心啦！當然老公已經係我心目中嘅視帝。」浩信聽到一定冧爆。