謝安琪Cute過龍？？梗有人唔鍾意！
網絡女神謝安琪（Kay）首次拍劇便游走於女法醫與殭屍之間，可謂甚考演技。前晚播出首集後，不少網民指演技過於造作，Kay坦言事前有請教家庭醫生及煲劇偷師，又指觀眾喜愛各有不同，故未有對負評感不快。
由鄭嘉穎、陳凱琳與謝安琪（Kay）等主演的無綫劇集《殭》前晚首播，首集中交代了嘉穎「不死人」與陳山聰的殭屍身份，由五百年前打到現代，當中使用不少CG效果，畫面相當吸引。女神Kay的戲份甚多，扮演女法醫的她與嘉穎有感情線，首集便交代兩人相遇，Kay還施展「一指靈」令死牛復活，漸漸露出殭屍本質！
身為女法醫官的Kay於劇中有解剖場口，首次拍劇便有多重角色，認真是演技一大考驗，故首集播出後難免受批評，網民直指Kay演技造作、刻意扮可愛。Kay昨日受訪時表示由歌手初做演員便擔正，對所演的法醫角色曾下不少工夫：「因為扮演專業人士，所以向家庭醫生請教過醫學嘅專用詞，同埋狂煲美劇《犯罪現場》，睇吓應該點演繹法醫，最感激係白只嘅幫忙，百忙中抽空幫我排戲。」
監製撐演技轉「成熟」
問到扮演專業法醫是否如想像般難？她指最難是讀醫學專用名詞，惟有熟讀劇本：「呢齣劇係我第一套亦可能係最後一部嘅劇集，一定要全身投入，所以今次做足功課，絕對冇打天才波。」對於網民的評語好壞參半，Kay大方說：「梗有人鍾意同唔鍾意(口架)喇！我知有啲網民話呢齣劇一定超越唔到亞視嘅經典劇《我和殭屍有個約會》，呢啲係個人喜好，覺得只要有觀眾喜歡同支持我就足夠。」她又表示不會為負評而感不開心。至於監製陳維冠為Kay平反，指她的角色是「傻大姐」，只是大家未習慣睇她做戲：「始終係佢正式第一次，佢係一個歌手，都係跟住個角色去演，之後角色會有轉變，會慢慢成熟。」首集收視平均24點、最高25點，只屬中矩中距，但監製坦言不擔心，認為劇集有追看性，眾主角的身份、背景都會一一解開疑團。
賴慰玲抓又南個「袋」
另外，《殭》劇一班演員前晚約飯局睇首播，Kay亦有出席並大合照留念，同場的陳嘉寶與賴慰玲拍劇時經常誤傷旁人，陳嘉寶笑言拍《殭》劇經常要打，但就經常打錯位，身旁的賴慰玲則自爆曾於劇中打中黃又南，令對方流足四小時眼淚：「我抓親佢個眼袋，成個眼袋抓咗出嚟！」
文：影視組