出書遺願未了 鄧婉媚「黃雨」上路

炮製《向世界出發》、《尋找他鄉的故事》的資深節目監製鄧婉媚，昨日於紅磡世界殯儀館出殯，其兄長、妹妹、親友，以及生前好友、無綫高層余詠珊一早到場打點。大殮儀式舉行期間，親友向靈柩獻上白玫瑰及瞻仰遺容，及後有師傅為靈柩進行灑淨及誦經，儀式結束後，親友於「黃雨」下狼狽登旅遊巴到鑽石山火葬場送鄧婉媚最後一程。

余詠珊現身英雄宴時透露心情已適應過來，大讚鄧婉媚為人單純，乃圈內少有：「之前佢病都係第一個話我知，比佢家人仲要早，我當佢係家人，佢真係好勇敢抗癌，我仲話等佢好番就返無綫安排啲冇咁大壓力嘅工作畀佢。」惟後來鄧婉媚癌症復發，最終撐了一年多便病逝。問到鄧婉媚可有遺願？余詠珊說：「佢好唔捨得，後期病情反覆得好犀利，都唔接受到自己要離開，由病到依家都成13年，我知佢好想寫書成為好作家。」

大殮儀式後，鄧婉媚的靈柩移送鑽石山火葬場火化，遺照則由妹妹捧着。
  • 大殮儀式後，鄧婉媚的靈柩移送鑽石山火葬場火化，遺照則由妹妹捧着。