泳兒社交網被入侵 險每日失3萬8

歌手泳兒、陳彥行等，昨日帶同愛犬出席狗狗嘉年華。泳兒透露前日被兩隻愛犬弄傷手臂：「我隻細狗好鍾意追住大狗玩，我以為佢哋打交，想隔開佢哋就唔小心整到。」提到其社交網站日前被入侵，她指當時非常驚訝：「佢話我買嘅一個廣告批咗，每日要畀3萬8，直到永遠。我即刻閂咗個廣告，點知隔咗一個鐘又畀人開番，之後我即刻去停咗張信用卡，同聯絡網站嘅工作人員求救。」幸好事件冇金錢損失。