黃貫中家有醋囡唔准生B

黃貫中（Paul）前晚於九展舉行音樂會，老婆朱茵罕有地帶同女兒黃鶯睇騷，同場更有好友蔡少芬與老公張晉、洪欣及兒子張浩鋒。朱茵起初曾以手遮掩女兒可愛樣，但最後亦失手「露面」。

熱血歌迷大合唱

不少樂迷聽到Paul演唱Rock爆歌曲《Can't Bring Me Down》、《我有分數》時，都紛紛起身揮手。Paul在台上不時與樂迷互動，提到個唱主題Paul又施冧招謂：「我絕對唔係英雄，英雄會冇命，但係我得到掌聲。你哋先係英雄，玩咗幾廿年仲喺度！」而唱到《孩子》時，他表示女兒亦在場：「佢第一次聽演唱會，大家唔好嚇親佢。我喺未有佢之前已經作咗呢首歌，希望佢第日聽得明，唔會唔鍾意，因為佢成日想獨霸我。」最後，Paul以經典金曲《光輝歲月》完場，大批樂迷站着唱，非常熱血！

朱茵帶同三歲多的女兒黃鶯首次睇騷。	朱茵曾以手遮掩女兒可愛樣。	（左起）張浩鋒、蔡少芬、張晉 蔡少芬與老公張晉恩愛到場撐好友。

獨霸媽咪唔畀攬

Paul在後台獲致送寶劍作紀念品，老婆朱茵影合照時向傳媒道謝：「辛苦晒咁多位！」Paul即搭住太太膊頭謂：「你辛苦啲。」Paul又大爆首次來欣賞live show的女兒黃鶯醋意大發：「佢呷全場醋，頭先氹咗佢一陣。（一場唔夠喉？）一定唔夠，接住會去台灣、內地演出。（帶埋囡囡巡迴？）未必喇，一陣又呷醋，佢唔鍾意我同人攬頭攬頸。（會呷媽咪朱茵醋？）佢會話我搶走媽咪。（咁係咪唔生細佬妹？）佢會話唔好，分薄咗。佢話唔鍾意BB，不過小朋友係咁。」朱茵完騷後更在微博向老公留言示愛：「老公，你型到爆！我愛你～」

文：專案組