龍小菌經理人寸唐紫睿個波打唔爆
歌手龍小菌與唐紫睿（Hazel）的MMA對決，終在前晚ViuTV的《G1格鬥會》節目上演，最後Hazel以1分之微險勝。節目中，兩人埋身肉搏已非掹衫、扯頭髮般姐手姐腳，而是毫不退讓拳拳到肉，各食「拳頭窩面」不下20次，小菌更一度被Hazel打至流鼻血，睇見都心酸。
龍小菌經理人邵子風昨日在社交網站似為小菌抱不平，轉載早前Hazel曾在活動上怪責「某人」於比賽時追面打的新聞兼留言反諷：「請問，呢位o靚模有冇打過龍小菌塊面？」記者就此向邵子風求證，他力撐小菌說：「打頭係應該o架！認真同對手打先係最大嘅尊重。」還指Hazel有口話人冇口話自己：「佢自己比賽時真係有打小菌塊面，大家係睇到，唔通小菌又要怪責你？」另外，Hazel一直被網民指身材「僭建」，邵子風曲線力證她真材實料：「我睇晒咁多場，絕無爆波！所以我懷疑係天然嘅。」惟Hazel至截稿前仍未回覆。
