陪阿細入院的蔡一智事後接受電話訪問，問到可有目擊阿細暈倒的過程？他笑說：「梗係睇唔到啦！我跑得咁快，其實佢都好快、好趕，佢趕住跑去聯合（醫院），哈哈！」他不忘多謝幫忙致電求救的跑手兼Fans：「個Fans話阿細唔係好掂，由佢幫手Call白車。雖然現場有救護員，但草蜢啲Fans比救傷隊更快！」他又笑指決定向該名Fans送新碟報恩。
對於阿細準備不足，他不禁出言輕責：「好失禮，要打Pat Pat！」又笑指不會放過對方，會追收「鮑魚數」：「我同佢賭，話輸咗要請食鮑魚，鮑魚數我一定會追，我諗佢唔會走我啲鮑魚啩？佢條褲汚糟晒，係我去醫院幫佢換，送埋佢入院，打埋電話通知佢老婆，等佢接收番老公先走人，如果佢咁都走數，大家幫我評評理囉！」
此外，名模黃佩霞接受電話訪問時表示不知道阿細身體不適，因他開跑時跑得很快，她和阿智跑到終點時不見其蹤影，還以為自己跑包尾！