蘇志威暈低抬入院瘀爆偷走！

蔡一智、蔡一傑與蘇志威昨晨齊集啟德郵輪碼頭，以活動大使及主禮嘉賓身份首度齊人參加10Ｋ跑步賽。傑仔透露凌晨5時便起床準備，做足熱身運動，阿智則於凌晨4時起床煮飯食，又自爆鯨吞了兩碗飯及帶了香蕉打算分給傑仔補充體力，他笑說：「大會安排咗巴士接送未能完成賽事嘅選手，冇理由浪費呢個安排，我可以坐巴士！」至於穿背心短褲的阿細則自爆空肚落場：「仲諗住嚟到買早餐食，點知冇，出事喇！」

面青腳軟急求救

賽事以啟德郵輪碼頭為起點及終點，賽事進行期間，已跑了8、9公里、準備不足的阿細跑至啟德橋附近時突感身體不適。據知當時天文台已發出黃雨警告，全身被大雨淋濕的他跑至面青唇白、腳步浮浮，最終不支坐在地上休息。期間有跑手上前慰問，沒帶手機的阿細向人求助，請人代為致電已遠遠拋離的阿智向大會求救，大會再通知附近的醫療輔助隊前往協助，經評估後需送院檢查。救護車趕至後，阿細由擔架床抬上車送往聯合醫院，阿智、阿傑及擔任陪跑員的黃佩霞等紛紛趕往醫院了解情況。阿智致電通知阿細的太太劉小慧，戴口罩、神情緊張的她在友人陪同下抵達急症室，問到阿細情況如何？她說：「等緊X光，冇問題。（佢神志清醒，各樣OK？）OK，蘇老闆好緊張呢啲，一到運動位就搏老命！」

空肚上陣兼被淋濕的阿細不支倒地，要跑手代為求救。	阿細接受檢查後證實並無大礙，鬼祟出院返歸休養。	阿細接受檢查後證實並無大礙，鬼祟出院返歸休養。

變落湯雞捱冷

而阿細為免外界擔心，親自向傳媒發錄音短訊「報平安」：「準備不足啦！同埋又落雨，我最怕淋雨，咁就冷親，所以跑到差唔多8、9Ｋ咁上下突然暈低，依家冇事喇！清醒番，多謝各位關心！」據知小慧得悉老公冇大礙後鬆一口氣先行離開醫院，阿細則透過大會公關明言離開醫院時不受訪，照過X光、量過血壓證實無大礙後，他留院約3小時後成功避過傳媒，低調出院。

劉小慧事後接受電話訪問，她說：「佢冇事啦，已經返咗屋企休息。」問到可有被老公暈倒入院一事嚇倒？她說：「咁又冇喎！最緊要依家個人冇事。」問到可會責怪老公不食早餐便參賽？她說：「呢個時候唔鬧佢啦！依家佢提示咗自己要注意身體，我都成日叫佢唔好咁夜瞓。佢本身唔太舒服，又冇食早餐，最弊佢好怕淋雨同怕凍！佢都唔細，5月3日就50歲喇，1號會幫佢開Party慶祝。」

文：音樂組　

攝：鄭家俊