葉巧琳型戰樂壇彈出
新人歌手葉巧琳（Mischa）早前從樂隊Trekkerz單拖出道，推出首支單曲《孤單的貝多芬》，以型格風格跑出。畢業於演藝學院的Mischa本修讀古典音樂，論歌唱技巧，可謂在新人中數一數二，她說：「喺演藝讀咗五年，因為唔可以一入去就讀學士，要由文憑開始讀起，所以喺讀書上面真係花咗唔少時間！」她笑言讀書時代比較懶，正當專修樂器的同學努力練習的時候，學唱歌的她總會以讓聲音休息為由而偷懶。
Mischa又講到演藝學院同時是夢想的「發源地」，每當有大型音樂會在演藝舉行，她都會與同學偷偷到後台欣賞：「有時會有啲明星嚟開騷，放學嘅時候就會見到好多粉絲喺門口等，嗰時就會好八卦走過去睇吓有咩明星嚟。」問到當時會否羨慕巨星有很多粉絲擁戴？她說：「其實又唔係，嗰時諗住做歌唱老師，後來同兩個男仔一齊喺畢業時參加咗個歌唱比賽入咗行，個心態就開始唔同咗，依家會向住目標全速前進！」
PROFILE
姓名：葉巧琳（Mischa）
生日：11月26日
身高：1米65