岑麗香赴日回味慳妹歲月

無綫花旦岑麗香前晚現身電台接受訪問，講到將到日本拍攝節目，她透露箇中因由：「我之前喺名古屋做過一年交流生，所以今次會返去學校睇吓，同去咗嗰時好想去但又冇去到嘅地方睇吓。」香香自爆讀書時代辛酸，指當時經常要死慳死抵供自己讀書，故未能盡情遊歷，今次希望去參觀「海女」採珍珠的工作過程：「同埋嗰時成日都食燒餅，又平又好食，依家仲記得點整。」