承認關注舊愛動向 鄧麗欣救波腿張開

歌手鄧麗欣（Stephy）昨日以排球隊Loey班主及隊長身份出戰「第三十六屆全港公開排球錦標賽」，素顏紮馬尾穿黑色戰衣的她，可謂情場失意球場得意，直落兩場勝出，再進一級。Stephy開波、殺波球球到位，多次開出「變幻球」直接得分，更一度飛身為救波而「腿張開」，對此她大笑說：「梗係要瞓身，唔可以畀個波落地。」她又表示有信心進身決賽。
鄧麗欣
鄧麗欣

至於被踢爆辣跑換走情侶車牌「SF」，Stephy表示新牌已掛上一年：「同任何事情無關。」又承認知道方力申飛往外地睇NBA：「有睇佢Instagram。（仲關注佢冇踢佢走？）唔需要。」二人曾表示不排除復合，問到方力申近日有否行動？她說：「畀啲空間我哋。」

鄧麗欣參加排球比賽瞓身救波，手風超順。
  • 鄧麗欣參加排球比賽瞓身救波，手風超順。