楊怡隨時準備做「媽咪」
楊怡昨日到電台接受薛家燕的節目訪問，獲送上鮮花和雙囍牌，薛家燕更催楊怡洞房：「掛咗個牌就要洞房，今晚好掛啦！」場面搞笑，但楊怡表示不心急生B，認為是天意，但亦Ready有新身份：「照顧好屋企先，他日如果有小朋友睇吓點樣做好新角色。（羅仲謙想唔想快點生B？）年尾擺完酒先算，想過吓二人世界。」
約滿無綫是自由身的楊怡說：「可以接觸唔同嘢，可能會返內地發展或其他元素，又唔排除會同TVB有另一方式合作，有適合劇本都會接，但唔會係呢半年嘅事。」有指ViuTV開台搶了《末代御醫》收視，楊怡亦有看ViuTV，但仍支持有份演出的劇集：「唔好講搶收視，係良性競爭，觀眾可以多啲選擇機會。」