黃璦瑤爆新郎嗜好失魂

作為鄭敬基（Joe）好友的前亞視藝員杜挺豪、黃璦瑤夫婦，獲邀出席鄭敬基的婚前派對。黃璦瑤兩年前隨夫杜挺豪移居多倫多生活，她在電話談及好友的派對說：「成個派對都好有愛，Joe好多好朋友都有出現，大家都講咗啲對佢嘅感言，新人好sweet，全程拖手又不時互望。Joe都有上台感謝大家，致詞時仲講到眼濕濕添，佢又錫咗未婚妻一啖，將氣氛推上高峰。席間佢哋又搜集咗一啲朋友對佢哋嘅提問，最搞笑係朋友『揭發』咗Joe原來好失魂，唔見嘢其實係佢嘅嗜好，難得未婚妻都咁包容佢，呢個未婚妻真係好好！」