鄭敬基預演婚禮 Kiss要就住

53歲的歌手鄭敬基（Joe）早前宣布與年輕19載的圈外女友Angie結婚，二人僅認識短短數個月即告「閃婚」，婚禮籌辦過程相當積極，定於5月7日在北角國際神召會堂區舉行婚禮。曾移民加拿大發展的Joe，本月與太太赴當地進行長達廿日的福音之旅，安排一連串福音分享會以及舉行pre-wedding party。

儀式做到十足

昨日，Joe的圈中好友「洩蜜」分享喜悅，已到加拿大發展的前亞視藝員杜挺豪與黃璦瑤夫婦，在社交網上載Joe與未婚妻Angie切蛋糕的相片，原來他倆已在當地低調舉行婚前派對，只見西裝骨骨的Joe與身穿白色晚裝的Angie甜蜜現身，Joe輕摟未婚妻纖腰切蛋糕，又sweet爆合卺交杯，洋溢幸福。派對現場以白色與紫色為主，布置簡單溫馨，但禮服、蛋糕、香檳與儀式齊備，令人誤以為是婚禮大日子亦不出奇。

鄭敬基與Angie在加拿大所拍的結婚照，好sweet呀！	合巹交杯	結婚喜帖

兒子明年結婚

身在多倫多的Joe接受電話訪問時透露，今次的派對屬當地朋友的主意：「喺多倫多十幾年，識到好多真心朋友，有各行各業，電視、電台、網台，大家飲咖啡傾好多偈。今次返嚟大家都話搵個地方聚一聚，好多朋友都話返唔到香港睇（婚禮），建議不如預婚啦，你哋見到好似婚禮，但其實唔係結婚派對。」

談到預演婚禮，Joe笑說：「今次有十一圍朋友，喺Ball Room搞自助晚餐，有結婚感覺，囡囡都喺度，個仔喺澳洲讀書，5月先返香港，出年佢都準備結婚！今次四位司儀係我唔同階段嘅朋友，有議員、地產、傳媒，仲叫Angie諗問題問我，由司儀代問，啲問題都幾尖銳o架！仲哋仲敲杯嗌kiss，叫鄭生鄭太，我哋未結婚嘅，所以我淨係畀咗個微吻！」

文：影視組