孫慧雪童顏挑戰奸角
擁有可愛童顏的女藝人孫慧雪向來深得網友歡心，更一度打入網絡女神榜十大，上載一張普通照片已輕易吸逾千個Like，阿雪笑說：「多謝網友咁支持我，我有留意網友口味，普遍都係鍾意性感啲，有時着少布啲、着晚裝就會好多Like。（分享多啲性感相？）咁又唔會，睇機會啦！如果有游水就甫泳衣相囉！大家留意吓。」
阿雪拍了不少無綫劇，其中在《拆局專家》的演出獲不少正評，早前她參演兩套劇，飾演完全不同的角色，包括在《純熟意外》中飾演髮型齊蔭可愛少女，於快將推出的《爸B有話兒》中，她飾演育有八歲兒子的母親，說話寸嘴，她笑言猶如精神分裂一樣，但挑戰甚大！問最想嘗試甚麼角色？她說：「想做奸角！之前多數做傻更更角色，好多人話我呢類人做奸角先係最奸，我殺咗人仲好無辜咁樣，一定令觀眾睇到磨拳擦掌。」
