前港姐冠軍邵珮詩在處境劇《愛．回家之八時入席》中飾演郭少芸女兒，角色由外國回流返港，個性活潑開朗，她直言比之前《潮流教主》的高傲模特兒NaNa較易掌握。對於上次處女演出引來網友負評，被批評聲線刺耳，珮詩表示會努力改善：「我睇咗好多留言意見，《潮》劇係我第一套劇，估唔到喺網上咁有影響力，都算係成功咗啲啲，我想進步，今次會集中處理把聲，要低音啲，講對白再清晰啲。」今次珮詩跟少芸、黎耀祥及鍾景輝等好戲之人有大量對手戲，她直言會努力學嘢。
