馮淬帆最憎胡鬧笑片
資深演員馮淬帆入行超過半世紀，演出作品無數，電影《老笠》更是他首部三級片，馮淬帆說：「初時聽到搵我拍三級片，都覺得有啲問題，後來睇咗劇本，原來唔係色情，係用詭異手法講一啲訊息，故事又幾有內涵，自己好耐冇做呢啲變態殺人角色。」
樣子嚴肅的馮淬帆偏偏惹人發笑，但這位笑匠卻不喜歡自己的胡鬧笑片：「我真係唔鍾意做嗰啲戲劇，因為冇成就感，自己係電影迷，唔鍾意睇胡鬧電影，就算《精裝追女仔》我都唔鍾意，自己冇乜印象，但拍完大家鍾意，戲路被定型。」他希望有生之年能遇到有挑戰性的角色，他亦計劃寫劇本，以新手法去講人生故事。提到近年欣賞的香港演員，他表示是姜皓文。