羅敏莊3歲囡囡餵羊飛天未驚過

藝人羅敏莊（Mimi）與老公陳國邦結婚七年，由拍拖開始便經常到台灣旅遊，女兒陳禛未出世之前，更會每年去一次，名副其實是「台灣通」。早前兩公婆帶3歲的陳禛到台灣中部拍節目，之後順道到台北及宜蘭玩足七日。Mimi回想以前到台灣拍拖即甜笑說：「我哋不嬲鍾意平淡，台灣生活節奏慢，好適合放鬆心情，老公最鍾意去誠品打書釘同去Cafe坐，十幾年都係咁。陳禛出世之後就少咗去，依家大概兩至三年去一次。」

Bye Bye二人世界

今次是Mimi與阿邦第三次帶陳禛去旅行，他們特地到適合一家大細玩樂的地方，讓女兒玩得盡興：「做咗人阿媽先知，以後去旅行都唔會諗住有得二人世界，Plan嘅行程全部就晒個女，不過我哋都心甘情願。」她娓娓道來今次的「陳禛旅遊Package」：「好似LEGO博物館玩積木，喺九族文化村着原住民服飾，了解當地文化，去到清境農場，囡囡仲完全唔驚小動物，親身去餵羊，見到啲羊衝埋嚟表現得好雀躍好開心，坐摩天輪仲一啲都唔怕高！」

Mimi和陳禛在九族文化村穿上原住民服飾，體驗當地文化。	見到咁多羊同蜜蜂都唔怕，陳禛BB非常大膽！	放大圖片

Mimi深明「讀萬卷書不如行萬里路」，更坦言女兒是次旅行得多於失：「佢去完旅行成熟咗，識得照顧人，表達能力高咗！」

文：專案組