趙哲妤收入少搞到消瘦

藝人趙哲妤（Uny）及杜宇航昨日於鴨脷洲出席派米活動，Uny受訪時表示與有線完約半年後星途浮沉，更自爆有經濟壓力：「每月幕前收入五位數都有時冇，所以瘦咗。」幸好Uny即將與電影公司簽約兩年，除了將接拍網絡電影外，她又打算於十月出版美食書。問她何不找個男友照顧自己？Uny說：「我想搵差唔多嘅同我一齊奮鬥，錢係萬惡之源。（有人追？）有個人約我好耐，有日食飯佢話鍾意我好耐，但我想放低感情，做個事業型女性。」