陳美詩陪瞓價300萬跌到30萬
異性緣勁旺的孫耀威昨日出席活動時自爆在社交網站多次被「約炮」兼收到性感相，其女友陳美詩亦不遑多讓，多次收到「陪瞓」邀請。他再踢爆女友的陪瞓價近日由300萬跌至30萬，令女友亦忍不住搞笑慨嘆：「世風日下，再加經濟好差！」
譚詠麟、孫耀威（Eric）、郭偉亮、葉佩雯、王灝兒（JW）、組合Super Girls昨日出席以校園為主題的音樂會記者會，眾人在台上大談以前的校園生活。
被強奪初吻
受訪時，讀男校的Eric透露當年參加聯校聖誕派對後，有七個女生找到他的電話號碼並主動約會他，又自爆被其中一個女生強奪初吻：「佢喺架小巴上面首先攬住我，之後仲錫我個嘴，我好驚，即刻落車。嗰時好單純，拍拖都唔敢拖手，嗰個係初吻嚟。」
雖然被強吻，但Eric認為以前追求異性的過程較浪漫，現時的人太過直接，並自爆曾被人「約炮」：「有send Facebook message畀我話『約炮』，我開頭都唔知咩意思。」又謂數年前曾有一個模特兒不斷傳性感照給他：「佢有男朋友嘅，話自己唔係咁隨便，淨係畀男朋友同畀我，我助手有同佢傾，之後佢就不了了之。」
慨嘆經濟差
問Eric可有告知女友陳美詩？他即面有難色地說：「好似冇喎，但佢都成日收到呢啲啦。」並踢爆女友近日再次收到「陪瞓」邀約，但身價大大下跌：「幾年前有人話有老細要搵佢300萬陪一晚，啱啱尋（前）晚又有人搵佢，佢send出嚟話世風日下，再加經濟好差，由300萬變咗30萬。」對於「陪瞓價」由300萬暴跌落30萬，陳美詩透過短訊回覆：「哈哈哈，得啖笑。」並附上三個笑臉公仔。
文：音樂組
攝：鄭家俊