郭富城多謝衰人 小美：真係有人過分咗
出爐金像影帝郭富城與內地女友方媛（Moka）公開戀情以來一直未獲外界睇好，雙方屢傳分手，最近再傳Moka過於「拜金」，令城城狠撇她！本報記者昨日向城城的經理人小美求證，她回覆：「胡亂創作的報道，就不回應了。」
此外，城城當晚得獎時感謝在電影圈曾對他「衰」的人，此番言論引起不少猜測，有網民猜測「衰人」正是曾與城城傳不和的導演唐季禮。問到城城口中的「衰人」所指何人？小美說：「真係唔係唐導演，大家唔使深究。過去只係一種歷煉，城城的確受過啲委屈，亦真係有啲人同事過分咗，所以佢先一時有感而發，但已經過去咗，唔使再問誰是誰，但所有事都間接令城城自強同成長。今後佢會繼續專業工作，城城感激每個造就過佢嘅人。」